Zaratxeybəri, Şamaxı

Əziz dostlar,

Təşkilatımızın ilk layihəsini Sizə təqdim edirik.

Könüllülərimiz 20 may 2021-ci ildə Şamaxı rayonunun ən ucqar kəndlərindən biri olan Zaratxeybəri kəndinin ümumi orta məktəbinin bəzi imkansız şagirdləri üçün təhsilin əlçatımlılığını təmin etmək məqsədi ilə onlara dərs və geyim vəsaitləri çatdırıb. Bura məktəb çantaları, ayaqqabı və digər zəruri məktəb ləvazimatları daxildir. 

Yardım olunan məktəblilər bundan sonra davamlı olaraq bizim himayəmiz altında olacaqlar. Bu o deməkdir ki, cəmiyyətimiz onların böyüyüb yaxşı təhsilli və ya peşə sahibi olmaları üçün imkan daxilində yaxından iştirak edəcək.

Biz, təhsil almaq istəyən, lakin buna uyğun şəraiti olmayan uşaqların təhsil ala bilmək imkanlarının az da belə olsa yaxşılaşdırılmasından ilham alaraq bu kimi layihələrə davam edəcəyik. Əgər siz də bizim təhsilin inkişafına və dəyərinin bilinməsinə hesablanmış xeyriyyə işlərimizdə yaxından iştirak etmək istəyirsinizsə ianə edərək bu cür proyektlərimizə dəstək ola bilərsiz.

Yeni layihələrimizi həyata kechirdikcə Sizə ətraflı məlumat təqdim edəcəyik.