Sumqayıt şəhəri və Ağcabədi rayonu
Təhsilə gedən yolun salınması və hamarlanması adlandıra bilərik növbəti layihəmizi.
Söhbət bu tədris ilində Sumqayıt şəhəri və Ağcabədi rayonunda yardım etdiyimiz ümumilikdə ya vaildeynlərinin hər ikisini ya da birini itirmiş və həddindən ziyadə kasıbçılıqdan əziyyət çəkən 50 azyaşlı uşaqdan gedir. Aralarında imkansızlıq, xüsusilə məktəbli geyimi və ləvazimatının olmaması səbəbindən məktəbə getmək ümidi olmayan və ya artıq bir neçə il məktəbdən kənar qalmış uşaqlar da vardı.
Təkcə uşaqların və valideynlərinin yaşadıqları yer deyildi onların çətin vəziyyətini göstərən, həmçinin valideynlərin sözün həqiqi mənasında imkansızlıq səbəbindən çarəsizliyi idi, bizə doğru yolda olduğumuzu bildirən.
Daha 50 uşaq üçün məktəbə gedən yolu salmaq və işıqlandırmaq, onlara təhsili əlçatan etmək, bizi çox sevindirir.
Bu iki proyekt üçün cəmiyyətimizin hesabından ümumilikdə 5700 AZN xərclənmişdir.
İanəçi və bütün dəstək verənlərə, xüsusilə bu proyektlərin ərsəyə gəlməsində, ehtiyaclı uşaqların tapılmasında köməklik göstərən Nəzrin xanım və Vüsal bəyə cəmiyyətimiz adından minnətdarlığımızı bildiririk.
“2B-Kind” (ingiliscədən tərcümədə nəzakətli, almancadan tərcümədə uşaq olmaq anlamında) yoxsul ailələrdən olan uşaqlara təhsili əlçatan ətmək məqsədi ilə Azərbaycandan kənarda, əsasən Almaniyada yaşayan könüllü dostlarımızın qurduğu bir xeyriyyə cəmiyyətidir. Məqsədimiz yoxsulluq səbəbindən təhsildən kənar qalan uşaqlara davamlı şəkildə həm maddi, həm də mənəvi yardım göstərməkdir. Bunu qeyri-rəsmi himayəçilik də adlandırmaq olar. Ölkəmizdə və dünyada yaşanan bir çox probləmlərin təməlində yətərsiz təhsilin dayandığı məlumdur. Yetərsiz təhsil isə bir çox hallarda yoxsulluqla əlaqəlidir. Azərbaycanda təhsil səviyyəsinin artmasına töhvə verə bilmək üçün 2B-Kind xeyriyyə cəmiyyətinin idarə heyəti xeyrixah insanları ianə edərək bizə yardım olmağa dəvət edir.
Uşaqların sevinci bizim sevincimiz, onların təhsili isə daha işıqlı Azərbaycandır. Siz də uşaqlara sevinc bəxş etmək və daha işıqlı Azərbaycan üçün töhvə vermək istəyirsizsə, bizə ianə etməklə dəstək ola bilərsiniz!
Sizin 2B-Kind ailəsi
Bizimlə əlaqə: [email protected]
Ianə et: bu linkə daxil olaraq dünyanın istənilən yerindən rahatlıqla ianə edə bilərsiniz: İanə et – 2B Kind
