Şəki rayonu, Orta Zəyzid kəndi
2B-Kind xeyriyyə cəmiyyəti yeni dərs ilində az təminatlı ailələrdən olan uşaqları məktəb ləvazimatları ilə təmin edərək həm onları sevindirir, həm də dərslərinə həvəsləndirir. Sentyabrın ilk on günlüyündə cəmiyyətimiz Şəki rayon Asim Kamil oğlu adına Orta Zəyzid kənd 1 saylı məktəbinə 2800 AZN dəyərində məktəb forması, çanta, ayaqqabı, dəftər və basqa xırda məktəb ləvazimatları çatdırmışdır.
Bizə bu dəstəyi reallaşdırmağa yaxından kömək etdiyinə və proyektin əziyyətinin böyük hissəsini çəkdiyinə görə məktəbin direktor əvəzi, biologiya müəllimi Nəsrullayeva Sevinc xanıma dərin təşəkkur edirik. Sevinc xanımın təşəbbüsü ilə 2B-Kind məktəbli forması və ya çantaya ehtiyacı olmayan uşaqları da sevindirmək və onlara da müəyyən qədər dəstək ola bilmək məqsədilə xeyli xırdavat məktəb ləvazimatları: dəftər, qələm, karandaş və s. alınmasını üzərinə götürmüşdür. Çatdırdığımız əşyaların alınmasında, məktəbə çatdrılmasında bizə yaxından və təmənnasız olaraq kömək etmiş və rayon-kənd arası sürücümüz olan Yusif Əbdurəhimova da 2B-Kind adından təşəkkür edirik.
“2B-Kind” (ingiliscədən tərcümədə nəzakətli, almancadan tərcümədə uşaq olmaq anlamında) yoxsul ailələrdən olan uşaqlara təhsili əlçatan etmək məqsədi ilə Azərbaycandan kənarda, əsasən Almaniyada yaşayan könüllü dostlarımızın qurduğu bir xeyriyyə cəmiyyətidir. Məqsədimiz yoxsulluq səbəbindən təhsildən kənar qalan uşaqlara davamlı şəkildə həm maddi, həm də mənəvi yardım göstərməkdir. Bunu qeyri-rəsmi himayəçilik də adlandırmaq olar. Ölkəmizdə və dünyada yaşanan bir çox probləmlərin təməlində yətərsiz təhsilin dayandığı məlumdur. Yetərsiz təhsil isə bir çox hallarda yoxsulluqla əlaqəlidir. Azərbaycanda təhsil səviyyəsinin artmasına töhvə verə bilmək üçün 2B-Kind xeyriyyə cəmiyyətinin idarə heyəti xeyrixah insanları ianə edərək bizə yardım olmağa dəvət edir.
Uşaqların sevinci bizim sevincimiz, onların təhsili isə daha işıqlı Azərbaycandır. Siz də uşaqlara sevinc bəxş etmək və daha işıqlı Azərbaycan üçün töhvə vermək istəyirsizsə, bizə ianə etməklə dəstək ola bilərsiniz!
Sizin 2B-Kind ailəsi
Bizimlə əlaqə: [email protected]
Ianə et: bu linkə daxil olaraq dünyanın istənilən yerindən rahatlıqla ianə edə bilərsiniz
https://2b-kind.org/az/donate/
