İlk təqaüdçümüzü təqdim edirik

Səfa Mustafayeva 2B-Kind cəmiyyətinin istisna olaraq ilk ali təhsil təqaüdünü qazanan tələbədir. O, 2002 ci ildə Şəki rayonunun Turan qəsəbəsində doğulub və 2008-2019-cu illərdə həmin qəsəbədə orta təhsil alıb. 2019-cu ildə Gəncə Dövlət Universitetinin Filologiya fakültəsinin Azərbaycan dili və ədəbiyyatı müəllimliyi şöbəsinə qəbul olub. Ödənişli əsaslarla oxuduğundan və ailə maddi problemlər yaşadığından ailəsi təhsil haqqını ödəməkdə problemlər yaşayıb. Səfanın atası İkinci Qarabağ müharibəsinin iştirakçısıdır və hal-hazırda ön cəbhədə hərbi qulluğa davam edir.

Biz 2B-Kind cəmiyyəti olaraq, Səfanın illik təhsil haqqının (1800 AZN) 610 manatını təqaüd şəklində Gəncə Dövlət Universitetinin Filologiya fakültəsinə köçürmüşük. Səfa bakalavr pilləsini başa vurduqdan sonra magistr təhsili almaq və gələcəkdə ali məktəblərin birində ixtisası üzrə dərs demək istəyir.

2B-Kind Səfaya təhsilinin son ilində və gələcək planlarında uğurlar arzu edir!

2B-Kind ailəsi