Bakı

2B-Kind xeyriyyə cəmiyyəti 29.11.2022 tarixinde yeni il hədiyyəmiz olan nağıl kitablarını Karbamit zavodunun arxasında gecəqondularda şəraitsiz vəziyyətdə yaşayan ailələrin övladlarına çatdırıb. Bu layihəni heyata keçirməkdə yaxından kömək etdiyinə görə Nəzrin xanım və Vüsal bəyə həmçinin ianəçilərimizə dərin minnətdarlığımızı bildiririk.

“2B-Kind” (ingiliscədən tərcümədə nəzakətli, almancadan tərcümədə uşaq olmaq anlamında) yoxsul ailələrdən olan uşaqlara təhsili əlçatan ətmək məqsədi ilə Azərbaycandan kənarda, əsasən Almaniyada yaşayan könüllü dostlarımızın qurduğu bir xeyriyyə cəmiyyətidir. Məqsədimiz yoxsulluq səbəbindən təhsildən kənar qalan uşaqlara davamlı şəkildə həm maddi, həm də mənəvi yardım göstərməkdir. Bunu qeyri-rəsmi himayəçilik də adlandırmaq olar. Ölkəmizdə və dünyada yaşanan bir çox probləmlərin təməlində yətərsiz təhsilin dayandığı məlumdur. Yetərsiz təhsil isə bir çox hallarda yoxsulluqla əlaqəlidir. Azərbaycanda təhsil səviyyəsinin artmasına töhvə verə bilmək üçün 2B-Kind xeyriyyə cəmiyyətinin idarə heyəti xeyrixah insanları ianə edərək bizə yardım olmağa dəvət edir.

Uşaqların sevinci bizim sevincimiz, onların təhsili isə daha işıqlı Azərbaycandır. Siz də uşaqlara sevinc bəxş etmək və daha işıqlı Azərbaycan üçün töhvə vermək istəyirsizsə, bizə ianə etməklə dəstək ola bilərsiniz!

Sizin 2B-Kind ailəsi

Bizimlə əlaqə: [email protected]

Ianə et: bu linkə daxil olaraq dünyanın istənilən yerindən rahatlıqla ianə edə bilərsiniz: İanə et – 2B Kind